యూఏఈ: 2021 సంవత్సరానికిగాను మొత్తం 134 దేశాల్ని పరిగణనలోకి తీసుకుంటే, అత్యంత భద్రతతో కూడిన దేశాల్లో యూఏఈకి రెండో స్థానం లభించింది. కోవిడ్ 19 వ్యాక్సినేషన్ విషయంలో ప్రపంచ దేశాలకు ఆదర్శంగా నిలుస్తోంది యూఏఈ. ప్రపంచంలోనే అత్యంత ఎక్కువగా వ్యాక్సినేషన్ జరిగిన దేశం యూఏఈ. 64.3 శాతం యూఏఈ వాసులు పూర్తిగా వ్యాక్సినేషన్ పొందారు. యుద్ధం, శాంతి, వ్యక్తిగత భద్రత అలాగే ప్రకృతి విపత్తులు వంటి అంశాల్ని పరిగణనలోకి తీసుకుని యూఏఈకి అత్యంత భద్రమైన దేశాల్లో రెండో స్థానం కల్పించారు. మొదటి స్థానం ఐర్లాండ్ దక్కించుకుంది. ఆ తర్వాతి స్థానాల్లో యూఏఈ, ఖతార్, సింగపూర్, ఫిన్లాండ్, మంగోలియా, నార్వే, డెన్మార్క్, కెనడా మరియు న్యూజిలాండ్ దేశాలున్నాయి. బహ్రెయిన్ 12వ స్థానంలో, కువైట్ 18వ స్థానంలో, సౌదీ అరేబియా 19వ స్థానంలో, ఒమన్ 25వ స్థానంలో నిలిచాయి.