బహ్రెయిన్: ప్రవాసీయులకు జారీ చేసే రెసిడెన్సీ పర్మిట్ స్టిక్కర్లలో స్వల్ప మార్పులు చేస్తున్నట్లు బహ్రెయిన్ ప్రకటించింది. జులై11 (ఆదివారం) నుంచి కొత్త రెసిడెన్సీ స్టిక్కర్లు జారీ చేయనున్నట్లు జాతీయత, పాస్ పోర్ట్& రెసిడెన్సీ అఫైర్స్-NPRA వెల్లడించింది. అయితే..పాత రెసిడెన్సీ స్టిక్కర్లను వెంటనే మార్చుకోవాల్సిన అవసరం లేదు. వాటి గడువు కాలం ముగిసే వరకు అవి చెల్లుబాటులో ఉంటాయి. గడువుకాలం ముగిసిన తర్వాత వాటి స్థానంలో కొత్త స్టిక్కర్లను జారీ చేయనున్నట్లు వివరించింది. బహ్రెయిన్ వ్యాప్తంగా ఏ బ్రాంచ్ లోనైనా అపాయింట్మెంట్ లేకుండానే కొత్త స్టిక్కర్లను పొందవచ్చు. 

--రాజేశ్వర్(మాగల్ఫ్ ప్రతినిధి,బహ్రెయిన్)