షార్జా: ఈద్ అల్ అధా పురస్కరించుకొని పబ్లిక్ పార్కింగ్ లో ఉచిత పార్కింగ్ వెసులుబాటు కల్పించారు అధికారులు. ఈద్ అల్ అధా తొలి మూడు రోజుల పాటు పబ్లిక్ పార్కింగ్ లో ఎలాంటి ఫీజు చెల్లించకుండానే వాహనాలు పార్క్ చేసుకోవచ్చని సోషల్ మీడియాలోని తమ అధికారిక అకౌంట్ ద్వారా వెల్లడించారు. జులై 20 నుంచి 22 వరకు ఉచితంగానే వాహనాలను పార్క్ చేసుకోవచ్చు. అయితే..ఈ మినహాయింపు అరాఫత్ డే రోజున ఉండదు. జులై 19న యధావిధిగా పార్కింగ్ ఫీజు చెల్లించాల్సి ఉంటుంది. అలాగే సెవెన్ డేస్ పార్కింగ్ జోన్లలో కూడా ఉచిత పార్కింగ్ ఆదేశాలు వర్తించవని అధికారులు తెలిపారు. 

--బాలాజీ(మాగల్ఫ్ ప్రతినిధి,యూఏఈ)