సౌదీ అరేబియా: హజ్ యాత్రికుల్లో ఇప్పటి వరకూ ఎవరికీ కరోనా వైరస్ నిర్ధారణ కాలేదనీ మినిస్ర్టీ ఆఫ్ హెల్త్ వెల్లడించింది. 18 ఏళ్ల పైబడి, 65 ఏళ్ల వయసున్న వారికీ,  ఎలాంటి తీవ్రమైన అనారోగ్య సమస్యలు లేనివారికి, ఇంతకు ముందు హజ్ యాత్రకు వెళ్లని వారికీ, అందునా సౌదీ అరేబియా పౌరులు అలాగే, నివాసితులకు మాత్రమే ఈ ఏడాది హజ్ యాత్రకు అనుమతించారు. వ్యాక్సిన్ పొందిన వారిని మాత్రమే హజ్ యాత్రకు అనుమతించారు. 20 మంది యాత్రికుల్ని గ్రూపుగా విభజించి, వారికి ఓ సహాయకుడు ఉండేలా ప్లాన్ చేశారు. ప్రతీ ఒక్కరూ కరోనా నిబంధనలు పాఠించేలా చర్యలు తీసుకున్నారు. కాబా ప్రాంతం చుట్టూ ఉన్న కోర్టు యార్డుల్లో ఎప్పటికప్పుడు శానిటైజేషన్ చేస్తున్నారు. నీటి బావుల దగ్గర రద్దీ లేకుండా రోబోట్లను అందుబాటులో ఉంచారు.