బహ్రెయిన్: ఎలాంటి అనుమతులు లేకుండా కింగ్డమ్ లోకి డ్రోన్ తీసుకొచ్చేందుకు ప్రయత్నించిన ముగ్గురు యువకులను అధికారులు అరెస్ట్ చేశారు. యువకులపై అనుమానం రావటంతో వారిని తనిఖీ చేసిన కస్టమ్స్ అధికారులు..వారి దగ్గర్నుంచి డ్రోన్ ను స్వాధీనం చేసుకున్నారు. అయితే..డ్రోన్ కు సంబంధించి వారి దగ్గర ఎలాంటి డాక్యుమెంట్లు లేవు. కింగ్డమ్ కు డ్రోన్ ఇంపోర్ట్ చేసుకునేందుకు కావాల్సిన అనుమతులు కూడా లేవు. దీంతో డ్రోన్ సాయంతో ఆ ముగ్గురు యువకులు ఏదైనా తప్పుడు పనికి సిద్ధమవుతున్నారా? అనే అనుమానాలు వ్యక్తం చేస్తున్నారు అధికారులు. డ్రోన్ స్వాధీనం చేసుకొని ఆ ముగ్గుర్ని అదుపులోకి తీసుకున్న కస్టమ్స్ అధికారులు..ఆ తర్వాత వారిని పోలీసులకు అప్పగించారు.