కువైట్: జీసీసీ దేశాల పౌరులు విజిటర్స్ అలాగే, ఇతర దేశాల నుంచి కువైట్ వచ్చేవారికి, మినిస్ర్టీ ఆఫ్ హెల్త్ ఓ సూచన చేసింది. కోవిడ్ 19 వ్యాక్సినేషన్ సర్టిఫికెట్ల ఆన్‌లైన్ రిజిస్ర్టేషన్‌కి సంబంధించిన సూచన ఇది. డేటా సిస్టమ్స్ డైరెక్టర్ అహ్మద్ అల్ ఘరీబ్ మాట్లాడుతూ, వ్యాక్సినేషన్ సర్టిఫికెట్లు, సంబంధిత డేటా అప్‌లోడ్ చేసిన తర్వాత ఇమ్యూన్ అప్లికేషన్ ద్వారా సర్టిఫికెట్ అథంటికేషన్ చేసుకోవాల్సి వుంటుంది. అప్‌డేట్ చేసుకోవడం ద్వారా కువైట్ వచ్చేవారికి ఎలాంటి సంకేతిక సమస్యలూ ఎదురుకాకుండా వుంటుంది. పాస్‌పోర్టు నెంబర్ అలాగే ఇ-మెయిల్ ద్వారా రిజిస్ట్రేషన్ చేసుకోవచ్చు. దాంతో, ప్రాసెస్ పూర్తి చేసుకోవడానికి వెరిఫికేషన్ కోడ్ లభిస్తుంది. తద్వారా అప్‌డేట్ ప్రాసెస్ పూర్తయిపోతుంది.