యూఏఈ:సమ్మర్ వర్క్ బ్యాన్ నిబంధన బుధవారం(ఈ నెల 15 తో ముగుస్తుందని యూఏఈ మానవ వనరుల అభివృద్ధి మంత్రిత్వ శాఖ వెల్లడించింది. సమ్మర్ లో కార్మికులకు మధ్యాహ్నం 12:30 నుంచి 3:00 గంటల మధ్య బహిరంగ ప్రాంతాల్లో పనిని నిషేధించిన విషయం తెలిసిందే. గత జూన్ 15 నుంచి సమ్మర్ వర్క్ బ్యాన్ అమలులోకి వచ్చింది. వేసవి నెలల్లో వేడి నుండి కార్మికులను రక్షించడం.. కార్మికులను వేడి తాపం, హీట్‌స్ట్రోక్ నుంచి రక్షించటంతో పాటు కరోనావైరస్ వ్యాప్తి నియంత్రణకు దోహదపడేలా నిషేధం సమయాలను ప్రకటించారు. అయితే ఈ నిబంధన బుధవారంతో ముగుస్తుందని మానవ వనరులు, ఎమిరైటైజేషన్ మంత్రిత్వ శాఖ ప్రకటించింది. 

--సుమన్(మాగల్ఫ్ ప్రతినిధి,అబుధాబి)