మస్కట్: 23 ఏళ్ళ వయసు వస్తే, వలసదారులు హౌసింగ్ యూనిట్స్ కొనుగోలు చేయడానికి అవకాశం కలుగుతుంది. రెసిడెన్షియల్ మరియు కమర్షియల్ భవనాల్ని 99 ఏళ్ళకుగాను కొనుగోలు చేయవచ్చు. రెండేళ్ళ రెసిడెన్స్ పర్మిట్ తప్పక వుండాలి. 45,500 కంటే తక్కువ కాకుండా హౌసింగ్ యూనిట్ ధర వుండాలి. మినిస్ట్రీ ఆఫ్ హౌసింగ్ మరియు అర్బన్ ప్లానింగ్ ఈ మేరకు డాక్యుమెంట్ జారీ చేసింది. ఉసుఫ్రక్ట్ విధానం ద్వారా భవనాల్ని కొనుగోలు చేసేందుకు వలసదారులకు ఆస్కారమిస్తున్నారు. సొంతంగా లేదంటే, ఫస్ట్ డిగ్రీ రిలేటివ్స్‌తో కలిసి భవనాల్ని కొనుగోలు చేసేందుకు వీలు కల్పిస్తున్నారు. హక్కుదారు మరణిస్తే, చట్టబద్ధ వారసులకు అది లభిస్తుంది. నాలుగు ఫ్లోర్స్ కంటే తక్కువ కాకుండా వుండే భవనాల్లోనే ఇంటిని కొనుగోలు చేయాల్సి వుంటుంది. నాలుగేళ్ళ లోపు నిర్మించిన భవనం అయి వుండాలి. 45,000 ఒమన్ రియాల్స్ అంతే కంటే ఎక్కువ ధర వుండాలి మస్కట్ పరిధిలో. సుల్తానేట్‌లోని ఇతర డైరెక్టరేట్లలో అయితే దీని ధర కనీసం 35,000 ఒమన్ రియాల్స్ వుండాలి.