దుబాయ్: దుబాయ్ క్రిమినల్ కోర్టు 47 ఏళ్ళ వ్యక్తికి 10 ఏళ్ళ జైలు శిక్ష విధించింది. నిందితుడు, యూఏఈ పర్యాటకుడు. అతని నుంచి 49 కొకైన్ క్యాప్సూల్స్‌ని అధికారులు స్వాధీనం చేసుకున్నారు. నిందితుడు తన పొట్టలో కొకైన్ క్యాప్సూల్స్ వుంచుకుని వస్తుండగా, దుబాయ్ అంతర్జాతీయ విమానాశ్రయంలో కస్ట్సమ్ అధికారులు పట్టుకున్నారు. అతని నుంచి కొకైన్ క్యాప్సూల్స్‌ని స్వాధీనం చేసుకున్నట్లు కస్టమ్స్ వెల్లడించింది. నిందితుడు, దుబాయ్‌లో వాటిని విక్రయించేందుకు ప్రయత్నించినట్లు అధికారులు వివరించారు. కాగా, నిందితుడికి 50,000 దిర్హాముల జరీమానా కూడా విధించారు. జరీమానా చెల్లింపు, జైలు శిక్ష అనంతరం నిందితుడ్ని దేశం నుంచి పంపించేస్తారు. కాగా, నిందితుడి కడుపులోని క్యాప్సూల్స్‌ని ఎక్స్ రే ద్వారా గుర్తించిన అధికారులు, కిలో బరువు గల కొకౌన్ అందులో వున్నట్లు కనుగొన్నారు. నిందితుడు ఆఫ్రియా జాతీయుడు. తన ఆర్థిక అవసరాల్ని గుర్తించి, స్వదేశంలో ఓ వ్యక్తి తనకు ఈ పని అప్పగించినట్లు విచారణలో నిందితుడు తెలిపాడు.