కువైట్: ఆదివారం నుంచి అరబ్ స్కూళ్ళు తెరచుకోనుండడంతో రోడ్లపై ట్రాఫిక్ గణనీయంగా పెరగనుంది. కోవిడ్ పాండమిక్ నేపథ్యంలో రోడ్లపై ట్రాఫిక్ గణనీయంగా తగ్గింది. అయితే, కోవిడ్ ప్రభావం తగ్గుతుండడంతో క్రమంగా రోడ్లపై ట్రాఫిక్ పెరుగుతూ వస్తోంది. కాగా, ఆదివారం నుంచి 520,373 మందికి పైగా విద్యార్థులు పబ్లిక్ మరియు ప్రైవేటు స్కూళ్ళకు హాజరు కానున్నారు. ఈ నేపథ్యంలో ట్రాఫిక్ విభాగం, ట్రాఫిక్ సమస్యలు తలెత్తకుండా ప్రత్యేక చర్యలు చేపడుతోంది.