హైదరాబాద్: గొడవలు కొనసాగితే పోలింగ్ రద్దు చేస్తాం అని 'మా' ఎన్నికల అధికారి అన్నారు. నేడు (అక్టోబర్ 10) ‘మూవీ ఆర్టిస్ట్స్ అసోసియేషన్’ ('మా') ఎన్నికలు ప్రారభం అయి పోలింగ్ కొనసాగుతోంది. సినీ ప్రముఖులు తమ ఓటు హక్కును వినియోగించుకుంటున్నారు. ఈ నేపథ్యంలో పోలింగ్ బూత్ వద్ద కొంత ఉద్రిక్తత వాతావరణం కూడా నెలకొంది. దాంతో 'మా' ఎన్నికల అధికారి.."గొడవలు కొనసాగితే పోలింగ్ రద్దు చేస్తాం..పోలింగ్‌లో రిగ్గింగ్ జరిగింది. ప్రకాష్‌రాజ్ తరపున ఒకరు దొంగ ఓటు వేశారు. మోహన్‌బాబు ఇతరులపై అరుస్తున్నారని ఫిర్యాదు వచ్చింది. ఫిర్యాదులుంటే ఇవ్వండి.. ఎదుటివారిపై అరుపులు చేయొద్దు. బయటివారు వచ్చి లోపల ప్రచారం చేస్తే ఎన్నికలు రద్దు చేస్తాం" 'మా' ఎన్నికల అధికారి ఇరు వర్గాలను హెచ్చరించారు.