మనామా: బహ్రెయినీ రిటైరీ ఒకరు తన స్నేహితుల్ని నిండా ముంచేశాడు. 100,000 బహ్రెయినీ దినార్లను ఈ క్రమంలో అతన్ని నమ్మిన స్నేహితులు నష్టపోయారు. కేసు వివరాల్లోకి వెళితే, మనామాలోని ఓ రెస్టారెంటులో నిందితుడ్ని, అతని స్నేహితులు కలిసేవారు. ఈ క్రమంలో నిందితుడు కొన్ని బిజినెస్ ప్లాన్స్ అతని స్నేహితుల ముందుంచాడు. అతన్ని నమ్మి, నిందితులు అతనికి కొంత మొత్తం ఇచ్చారు. అనంతరం, వారు నష్టపోయారు. ఈ విషయమై విచారణ సందర్భంగా నిందితుడు, ఆ సొమ్ముని తన స్నేహితులు తనకు పెట్టుబడులుగా పెట్టమని స్వచ్ఛందంగానే ఇచ్చారనీ, వాటిని తాను పెట్టుబడులుగా పెట్టగా, నష్టం వచ్చిందని వివరించాడు. మొదట ఒక్కొక్కరి దగ్గర నుంచి 2,000 బహ్రెయినీ దినార్లు తీసుకుని, 500 బహ్రెయినీ దినార్లను లాభం కింద నిందితుడు ఇచ్చినట్లు తేలింది.