ఖతార్: ఆప్ఘనిస్తాన్ ప్రభుత్వ నిధుల అన్ ఫ్రీజింగ్ విషయమై స్పష్టత లేదని ఖతార్ విదేశాంగ మంత్రి వెల్లడించారు. కొత్త తాలిబాన్ పాలనలో ఆప్ఘనిస్తాన్ ఎదుర్కొంటోన్న ఆర్థికపరమైన సవాళ్ళపై ఆయన మాట్లాడారు. తాలిబన్ మరియు వెస్టర్న్ అధికారులతో ఖతార్ చర్చలు జరుపుతోందని అన్నారు. ఆప్ఘాన్ సెంట్రల్ బ్యాంకుకి చెందిన 10 బిలియన్ డాలర్లు ప్రపంచంలోని పలు దేశాల్లో వున్నాయి. ఆప్ఘాన్‌లో తాలిబాన్ ప్రభుత్వాన్ని ఖతార్ గుర్తించడమనేది ముఖ్యం కాదనీ, అంతర్జాతీయంగా ఈ సమస్యకు పరిష్కారం రావడం ముఖ్యమని ఖతార్ ఉప ప్రధాన మంత్రి అలాగే విదేశాంగ మంత్రి షేక్ మొహమ్మద్ బిన్ అబ్దుల్ రహ్మాన్ అల్ థని చెప్పారు.