తెలుగులో కథానాయకుడిగా ఇప్పటివరకు 99 చిత్రాల్లో నటించినట్లు ప్రముఖ నటుడు, హీరో సుమన్ వెల్లడించారు. శనివారం తిరుమలలో శ్రీవారిని హీరో సుమన్ దర్శించుకున్నారు. అనంతరం ఆలయం బయట విలేకర్లతో మాట్లాడుతూ... ఇప్పటివరకు వివిధ భాషల్లో 400 చిత్రాల్లో నటించినట్లు చెప్పారు. శ్రీవారి ఆశీర్వాదంతో తెలుగు, కన్నడ, తమిళ చిత్రాల్లో నటిస్తున్నట్లు సుమన్ తెలిపారు. అంతకుముందు ఆలయంలో శ్రీవారిని దర్శించుకున్న తర్వాత దేవాలయం అధికారులు సుమన్ కు తీర్థ ప్రసాదాలు అందజేశారు.