కువైట్: సాల్మియాలో  వాహనంతో రోడ్డుపై వీరంగం సృష్టించిన ఓ డ్రైవర్ ను పోలీసులు అరెస్ట్ చేశారు. అతని వాహనాన్ని సీజ్ చేశారు. సాల్మియా లో శనివారం అత్యంత ప్రమాదకరంగా  అతను వెహికల్ ను నడిపాడు. కావాలనే ఉద్దేశపూర్వకంగా ఇతర వాహనాదారులను ఇబ్బంది పెట్టాడు. అతని డ్రైవింగ్ కారణంగా చాలా మంది ఇబ్బంది పడ్డారు. ఇందుకు సంబంధించిన వీడియో సోషల్ మీడియాలో వైరల్ గా మారింది. ఈ వీడియో ఆధారంగా పోలీసులు ఆ డ్రైవర్ ను పట్టుకున్నారు. అతన్ని అరెస్ట్ చేసి వెహికల్ ను స్వాధీనం చేసుకున్నారు. పలు సెక్షన్ల కింద అతనిపై కేసులు నమోదు చేశారు. ట్రాఫిక్ కు ఇబ్బంది కలిగించేలా వ్యవహరిస్తే కఠినంగా వ్యవహరిస్తామని ఈ సందర్భంగా పోలీసులు తెలిపారు.