కువైట్: విదేశీయులు కువైట్‌లోకి వచ్చేందుకు వీలుగా వీసాలను పునఃప్రారంభించే విషయమై సంబంధిత మెకానిజంను ఖరారు చేయడానికి త్వరలో సమావేశం జరగనుంది. వారం లేదా రెండు వారాల పాటు వీసాల పునఃప్రారంభం వాయిదా పడే అవకాశం వుంది. మినిస్ట్రీ ఆఫ్ ఇంటీరియర్ సరైన మెకానిజం కోసం సమయం తీసుకుంటుండడమే ఇందుకు కారణం. కువైట్ అంతర్జాతీయ విమానాశ్రయంలో పూర్తి సామర్థ్యంతో ప్రయాణీకులు, విమానాల రాకపోకల విషయమై క్యాబినెట్ కీలక నిర్ణయాలు తీసుకోనుంది. వ్యాక్సినేషన్ పొందినవారిని అనుమతించేందుకు పలు ప్రక్రియల్ని పూర్తి చేయాల్సి వుందని ఈ నేపథ్యంలో అన్ని జాగ్రత్తలూ తీసుకుని మెకానిజం అందుబాటులోకి తెస్తామని సంబంధిత వర్గాలు పేర్కొన్నాయి.