దోహా: దోహా ఫిలిం ఇనిస్టిట్యూట్ (డిఎఫ్ఐ), నవంబర్ 7 నుంచి 13 వరకు ఐయాల్ ఫిలిం ఫెస్టివల్ నిర్వహణ కోసం సర్వ సన్నద్ధంగా వుంది. ప్రెస్ ప్లే అనే థీమ్ ద్వారా ఇన్ పర్సన్ ఈవెంట్లు ఈ వేదికపై నిర్వహిస్తారు. ఎ హీరో సినిమాతో ఈ ఫెస్టివల్ ప్రారంభమవుతుంది. అకాడమీ అవార్డు విజేత ఫిలిం మేకర్ అస్ఘర్ పర్హాదీ దర్శకత్వం వహించారు ఈ చిత్రానికి. కటారా, సిక్కత్ వాడి, మసెరిబ్, లుసైల్ మరియు వోక్స్ సినిమాస్ దోహా ఫిలిం సిటీలో ప్రేక్షకులు ఈ వేడుకల్ని ఎంజాయ్ చేయొచ్చు. 85 సినిమాలు 44 దేశాల నుంచి ఇక్కడ ప్రదర్శితమవుతాయి. లోకల్ టాలెంట్‌ని ప్రోత్సహించేలా ఈ ఫెస్టివల్ ద్వారా పలు కార్యక్రమాలు రూపొందించారు. ఖతార్‌లో సినీ పరిశ్రమను ప్రమోట్ చేయనున్నట్లు నిర్వాహకులు తెలిపారు.