సౌదీ అరేబియా: సౌదీ సెంట్రల్ బ్యాంక్ (SAMA) నెలవారీ బులెటిన్ ప్రకారం..  2021 మొదటి తొమ్మిది నెలల్లో నగదు బదిలీలు భారీగా పెరిగాయి. ఇందులో సౌదీ సిటిజన్స్, సౌదీ బయట ఉన్న సిటిజన్స్ భారీగా నగదు బదిలీ చేశారని సౌదీ అరేబియాలో తెలిపింది. 2021 మొదటి 9 నెలల్లో(2020తో పోల్చితే) సౌదీ బయట సిటజన్స్ జరిపిన నగదు బదిలీల్లో 36 శాతం పెరుగుదల నమోదై SR47 బిలియన్లకు చేరుకుంది. ఒక్క సెప్టెంబర్ లోనే 44 శాతం (SR5.79 billion) వృద్ధిని నమోదు చేసింది. అదే సమయంలో ప్రవాసుల వ్యక్తిగత చెల్లింపులు SR116.3 బిలియన్లకు పెరిగాయి.  2020లో ఇదే కాలంతో పోలిస్తే ఇది ఆరు శాతం పెరుగుదల నమోదైంది. ప్రవాసుల మొత్తం రెమిటెన్స్ లు ఒక శాతం పెరుగుదలను నమోదు చేయగా..  సెప్టెంబర్ నెలలో SR13.35 బిలియన్లకు చేరుకున్నాయి. ఇటీవల 20 శాతం ఫారీన్ ఫార్మసిస్టులను నియమించడం కూడా నగదు బదిలీ పెరిగేందుకు కారణమైందని ఆర్థిక నిపుణులు అంచనా వేస్తున్నారు. అలాగే సెప్టెంబరులో విదేశీ రెమిటెన్స్‌ లు సుమారు మూడు శాతం తగ్గుదలని నమోదు చేసి SR388 మిలియన్లకు చేరుకున్నాయని సౌదీ సెంట్రల్ బ్యాంక్ డేటా స్పష్టం చేసింది.