భారతదేశంలో తయారైన కోవాగ్జిన్ కోవిడ్ 19 వ్యాక్సిన్‌ని ఆస్ట్రేలియా ఆమోదించింది. ఈ వ్యాక్సిన్ వేసుకున్నవారిని ఆస్ట్రేలియా అనుమతించనుంది. అయితే, ప్రపంచ ఆరోగ్య సంస్థ నుంచి ఈ వ్యాక్సిన్‌కి ఇంకా గుర్తింపు లభించాల్సి వుంది.  ఈ వ్యాక్సిన్ వేసుకున్నవారు అమెరికా, బ్రిటన్ తదితర దేశాలకు వెళ్ళే విషయమై ఆంక్షలున్నాయి. వ్యాక్సిన్ అనుమతి పొందిన (ప్రయాణం పరంగా) దేశాల విషయానికొస్తే, ఆస్ట్రేలియా, మారిషస్, ఒమన్, ఫిలిప్పీన్స్, నేపాల్, మెక్సికో, ఇరాన్, శ్రీలంక, గ్రీస్, ఇస్టోనియా, జింబాబ్వే తదితర దేశాలున్నాయి. ఆయా దేశాలకు వెళ్ళే ప్రయాణీకులు కోవాగ్జిన్ తీసుకున్నా తమ వెంట కోవిడ్ 19 నెగెటివ్ సర్టిఫికెట్ చూపించడం తప్పనిసరి.