సౌదీ అరేబియా: సౌదీ అరేబియాను ద్రవ్యోల్బణం కలవర పెడుతోంది. దేశంలో ధరల పెరుగుదల కారణంగా అక్టోబర్ లో ద్రవ్యోల్బణ సూచీ 0.8 శాతానికి చేరింది. వరుసగా రెండో నెల కూడా భారీగా ద్రవ్యోల్బణ రేటు నమోదైంది.సెప్టెంబర్ లో 0.6 శాతంగా ఉన్న ఇన్ ప్లేషన్ అక్టోబర్ లో 0.80 గా నమోదైంది. మొన్నటి ఆగస్టులో ద్రవ్యోల్బణ సూచీ 20 నెలల కనిష్ట స్థాయికి చేరి 0.3 శాతంగా నమోదైంది. కానీ సెప్టెంబర్, అక్టోబర్ లో ఇన్ ప్లేషన్ ఊహించిన దాని కన్నా ఎక్కువగా పెరిగింది. ఐతే సంవత్సరం వారీగా కాకుండా నెలవారీగా గమనిస్తే అక్టోబర్ లో 0.25 శాతంగా ఇన్ ప్లేషన్ రేటు నమోదైంది. అది సెప్టెంబర్ తో పోల్చితే 0.05 శాతం ఎక్కువ. రానున్న రోజుల్లో ధరల సూచీ మరింత పెరగవచ్చని అంచనా వేస్తున్నారు. ఈ ఆర్థిక సంవత్సరం పూర్తయ్యే నాటికి 1 శాతం నుంచి 2 శాతం వరకు ఇన్ ప్లేషన్ నమోదు కావచ్చని ఎక్స్ పెక్ట్ చేస్తున్నారు.