కువైట్: డిగ్రీ లేకుండా 60 ఏళ్లు నిండిన ప్రవాసులకు వీసా విషయంలో అనిశ్చితి కొనసాగుతూనే ఉంది. స్వయంగా హైకోర్టే ఈ రూల్స్ ను పక్కన పెట్టాలని ప్రభుత్వానికి సూచించినప్పటికీ ప్రభుత్వం ఏ నిర్ణయం తీసుకోవటం లేదు. దాదాపు 15 నెలలుగా ఈ అంశం ఎటూ తేలటం లేదు. పబ్లిక్ అథారిటీ మ్యాన్ పవర్ (PAM) కమిటీ కొన్ని రోజుల క్రితం సమావేశమై డిగ్రీ లేకుండా 60 ఏళ్లు పైబడిన ప్రవాసులకు వర్క్ పర్మిట్ వీసా ఇవ్వొద్దన్న నిర్ణయాన్ని రద్దు చేయాలని డిసైడ్ చేసింది. 500 దినార్ల ఫీజుతో పాటు ప్రైవేట్ హెల్త్ ఇన్సూరెన్స్ చేసుకున్న వారికి వర్క్ పర్మిట్ వీసాలు ఇవ్వాలని నిర్ణయించారు. కానీ గవర్నమెంట్ పూర్తి స్థాయిలో ఏ నిర్ణయం తీసుకోవటం లేదు. దీంతో ఈ సమస్య పరిష్కారం కావటానికి మరిన్ని రోజులు పట్టేలా ఉంది.