మనామా: మినిస్ట్రీ ఆఫ్ వర్క్స్ మునిసిపాలిటీ ఎఫైర్స్ మరియు అర్బన్ ప్లానింగ్ విజయవంతంగా బహ్రెయిన్‌లోని పలు గవర్నరేట్లలోగల రెసిడెన్షియల్ కాంప్లెక్సుల్లో కార్ పార్క్‌లను ఏర్పాటు చేస్తోంది. ఈ ఏడాది ఇప్పటివరకు 1,410 కార్ పార్క్‌లను దేశవ్యాప్తంగా 282,000 బహ్రెయినీ దినార్లతో ఏర్పాటు చేశారు. 310 కార్ పార్క్‌లను క్యాపిటల్ గవర్నరేటులో ఏర్పాటు చేయడం జరిగింది. ముహరాక్‌లో 300, నార్తరన్ గవర్నరేట్ 510, సౌత్ గవర్నరేటులో 290 ఏర్పాటు చేశారు. గత ఏడాది 1,730 కార్ పార్కులను నాలుగు గవర్నరేట్లకు కేటాయించారు. కాగా, జనరల్ డైరెక్టరేట్ ఆఫ్ ట్రాఫిక్ సహకారంతో మినిస్ట్రీ, రెసిడెన్షియల్ ఏరియాల్లోని పార్కింగ్ మీటర్ల నుంచి ఫీజు మినహాయింపు దిశగా ఆలోచన చేస్తోంది. రెసిడెంట్స్ కోసం ప్రత్యేకంగా స్టిక్కర్లు ఏర్పాటు చేసి మినహాయింపులు ఇస్తారు.