బహ్రెయిన్: 10 శాతం వాల్యూ యాడెడ్ ట్యాక్స్ (VAT) పెంపునకు బహ్రెయిన్ ప్రభుత్వం ఆమోదం తెలిపింది. దీంతో ప్రస్తుతం ఉన్న 5 శాతం వ్యాట్.. 10 శాతం కానుంది. వ్యాట్ పెంపునకు సంబంధించిన ముసాయిదా చట్టాన్ని సెప్టెంబర్ లో పార్లమెంట్ ప్రవేశపెట్టిన విషయం తెలిసిందే. జనవరి 1, 2022 నుండి కొత్త వ్యాట్‌ అమల్లోకి రానుంది. చమురు ధరలు భారీగా పతనమవ్వడంతో బహ్రెయిన్ బడ్జెట్ లోటు భారీగా పెరిగింది. దీనికి తోడు  కరోనా మహమ్మారి కారణంగా మరింత లోటు ఏర్పడింది. ఈ మొత్తం లోటును పూడ్చుకునేందుకు జనంపై వ్యాట్ భారం వేస్తున్నారు. అటు ప్రొడక్షన్ ను కూడా రికార్డు స్థాయిలో 18 శాతానికి పెంచి ఇన్ కమ్ పెంచుకునే ఏర్పాటు చేస్తోంది ప్రభుత్వం.