ఈ వారాంతం దుబాయ్‌ ఎయిర్‌పోర్ట్‌లో ఎమిరేట్స్‌ టెర్మినల్‌ 3 నందు 115,000 మందికి పైగా ప్రయాణీకులతో కూడిన రద్దీ వుండే అవకాశాలున్నాయి. మార్చ్‌ 27, 28 తేదీల్లో ఈ ట్రాఫిక్‌ రద్దీ ఉండనుందని అంచనా వేస్తున్నారు. ఇంతటి రద్దీ నేపథ్యంలో ప్రయాణీకులు నిర్ణీత సమయానికన్నా ముందే ఎయిర్‌పోర్ట్‌కి చేరుకోవడం ఉత్తమమని అధికారులు సూచించారు. డిపాచ్యూర్‌కి ఆరు గంటల ముందే ఫిజికల్‌ చెక్‌కి అవకాశం ఉందనీ, గంట ముందుగా చెక్‌ ఇన్‌ని నిలిపివేస్తారు కాబట్టి, ప్రయాణీకులు తగిన జాగ్రత్తలు తీసుకోవాలని అధికారులు విజ్ఞప్తి చేశారు. ఈ డిమాండ్‌ నేపథ్యంలో ఎమిరేట్స్‌, ఆన్‌లైన్‌ చెక్‌ ఇన్‌ టైమ్‌ని 24 గంటల నుంచి 48 గంటలకు పెంచింది. కార్‌ పార్కింగ్‌ చెక్‌ ఇన్‌ సౌకర్యాలను కూడా రౌండ్‌ ది క్లాక్‌ ఏర్పాటు చేశారు. ఫస్ట్‌ క్లాస్‌ మరియు బిజినెస్‌ క్లాస్‌ ప్రయాణీకుల కోసం చాఫర్‌ డ్రివెయన్‌ ఎయిర్‌పోర్ట్‌ ట్రాన్స్‌ఫర్‌ని కూడా ఏర్పాటు చేయడం జరిగింది.