ఒమన్‌: ఒమన్ సుల్తానేట్‌లో వ్యాక్సినేషన్ స్పీడ్ గా కొనసాగుతోంది. కోవిడ్-19 కొత్త వేరియంట్ ఒమిక్రాన్ నేపథ్యంలో అర్హులైన వారికి మూడో డోస్ వ్యాక్సిన్ ఇస్తున్న విషయం తెలిసిందే. ఇప్పటివరకు 32 వేల మందికి పైగా మూడో డోస్ తీసుకున్నారని హెల్త్ మినిస్ట్రీ తెలిపింది. 93 శాతం మంది సింగిల్ డోస్, 86 శాతం మంది డబుల్ డోస్ వ్యాక్సిన్ తీసుకున్నారు. మొత్తం వ్యాక్సిన్ల సంఖ్య 6.42 మిలియన్ డోసులు దాటిందని హెల్త్ మినిస్ట్రీ వెల్లడించింది.