సౌదీ అరేబియా: అమెరికా ఇటీవల అరెస్ట్ చేసిన టెర్రరిస్ట్... మా సిటిజన్ కాదని అమెరికాలోని సౌదీ ఎంబసీ తెలిపింది. ఈ సందర్భంగా అమెరికా వాదనను తీవ్రంగా ఖండించింది. కేసు విషయంలో అమెరికా సెక్యూరిటీ ఏజెన్సీలకు అవసరమైన సహాయం చేస్తామని ప్రకటించింది. నిందితుడు 21 ఏళ్ల సౌదీ జాతీయుడని అమెరికన్ అధికారులు తప్పుగా ప్రచారం చేస్తున్నారని సౌదీ ఎంబసీ ఆగ్రహం వ్యక్తం చేసింది. ఇందుకు సంబంధించి మరింత స్పష్టతనిస్తూ అమెరికాలోని సంబంధిత అధికారులకు వివరాలు పంపినట్లు ఎంబసీ అధికారులు స్పష్టం చేశారు.ఈ వివరాలను  అమెరికాలోని సౌదీ ఎంబసీ ట్వీట్ చేసింది.గత వారం మెక్సికో నుంచి యూఎస్ లోకి అక్రమంగా ప్రవేశించిన ఓ వ్యక్తిని అరిజోనాలో  పోలీసులు అరెస్ట్ చేశారు. అతను సౌదీకి చెందిన 21 ఏళ్ల  అనుమానిత టెర్రరిస్టు అమెరికా ప్రకటించింది.దీంతో సౌదీ ఎంబసీ స్పందిస్తూ అమెరికా ప్రకటనను తప్పుబట్టింది.