దోహా: ప్రపంచవ్యాప్త ఔట్రీచ్ వ్యూహంలో భాగంగా ఖతార్ మరియు మిడిలీస్టుతో బలమైన పర్యాటక సహకారం కోసం గోవా రెడీగా ఉందని గోవా ప్రభుత్వ పర్యాటక మంత్రి హెచ్‌ఈ రోహన్ ఎ ఖౌంటే స్పష్టం చేశారు. ఖతార్ ట్రావెల్ మార్ట్ (QTM) 2025లో ఆయన పాల్గొని మాట్లాడారు.  ఏడాది పొడవునా పర్యాటక గమ్యస్థానంగా గోవా ఆకర్షణ పెరుగుతుందని తెలిపారు. 

అలాగే, ఖతార్ పర్యాటక కేంద్రంగా వేగంగా అభివృద్ధి చెందడాన్ని ఖౌంటే ప్రశంసించారు.  QTMలో పాల్గొనడం వల్ల గోవాకు ఖతార్ పర్యాటక, ప్రయాణ రంగంతో భాగస్వామ్యాలను మరింతగా పెంచుకునే అవకాశం లభించిందని, రెండు గమ్యస్థానాల మధ్య బలమైన కనెక్టివిటీకి మద్దతు ఇస్తుందని మంత్రి అన్నారు.

ఈ సంవత్సరం QTMలో గోవా ప్రతినిధి బృందంలో హోటళ్ళు, ట్రావెల్ ఆపరేటర్లు మరియు పర్యాటక సేవలు వంటి మొత్తం ఎనిమిది రంగాలకు చెందని ఇండస్ట్రీ నిపుణులు పాల్గొంటున్నారు.  2025–2026 సీజన్‌ను దృష్టిలో ఉంచుకుని, గోవా పర్యాటక వ్యూహానికి పదును పెడతున్నట్టు తెలిపారు.