కువైట్ సిటీ: ఎనిమిదేళ్ళలో ఏడోసారి కువైట్, వలసదారులకు ‘పరమ చెత్త డెస్టినేషన్’గా నిలిచింది. మొత్తం 59 దేశాల్లో వలసదారుల ఇన్‌సైడర్ సర్వే నిర్వహించగా, అందులో కువైట్ అట్టడుగున నిలిచింది. క్వాలిటీ ఆఫ్ లైఫ్ ఇండెక్స్ కేటగిరీలో చిట్ట చివరి స్థానం దక్కించుకుంది. వ్యక్తిగత ఆనందం, ప్రయాణం, రవాణా వంటి విభాగాల్లో ఈ ర్యాంక్ దక్కింది. దేశంలో స్థిరపడేందుకు అస్సలేమాత్రం అనువుకాని దేశంగా కువైట్ వలసదారుల దృష్టిలో చెత్త పేరు మూటగట్టుకుంది. 51 శాతం మందికి పైగా, కొత్త స్నేహితుల్ని కనుగొనడానికి ఇబ్బంది పడినట్లు, స్థానికంగా స్నేహితుల్ని చేసుకోవడంలో 62 శాతం మంది ఇబ్బందులు పడినట్లు సర్వేలో తేలింది.