యూఏఈ: ట్రాఫిక్ జరిమానాలపై 50% తగ్గింపు తో చెల్లింపు గడువును జనవరి 14 వరకు అజ్మాన్ పోలీసులు పొడిగించారు. నవంబర్ 21, 2021కి ముందు అజ్మాన్‌లో జరిగిన అన్ని ట్రాఫిక్ ఉల్లంఘనలకు, తీవ్రమైన ఉల్లంఘనలకు మినహా ఈ పొడిగింపు వర్తిస్తుంది. అజ్మాన్ పోలీస్ జనరల్ హెడ్‌క్వార్టర్స్ ట్రాఫిక్ విధించిన జరిమానాలు, స్వాధీనం చేసుకున్న వాహనాలపై 50 శాతం తగ్గింపు ప్రకటించిన విషయం తెలిసిందే. వాహన యజమానులు తగ్గింపును సద్వినియోగం చేసుకోవాలని, జరిమానాల చెల్లింపును వేగవంతం చేయాలని, ట్రాఫిక్ భద్రతా నియమాలను గౌరవించాలని, భవిష్యత్తులో ట్రాఫిక్ ఉల్లంఘనలను నివారించాలని అజ్మాన్ పోలీసులు కోరారు.