ఖతార్: ఉత్తర ఖతార్ లో ఫస్ట్ ఫేజ్ బీచ్ క్లీనింగ్ పూర్తి అయింది. సుస్థిరత, పరిశుభ్రత 2030 విజన్‌ను దృష్టిలో ఉంచుకుని మునిసిపాలిటీ, పర్యావరణ మంత్రిత్వ శాఖ (MME) దీవులు, బీచ్‌ల విభాగం ఈ క్లినింగ్ ప్రోగ్రామ్ చేపట్టింది. ఇరవై రోజుల పాటు సాగిన ఈ ఫేజ్ లో మదీనాత్ అల్ షమాల్‌లోని అబు ధలౌఫ్ పార్క్ నుండి ప్రారంభమై దోహాకు వాయువ్యంగా 65 కిలోమీటర్ల దూరంలో ఉన్న అల్ రీమ్ ప్రొటెక్టరేట్‌ వరకు పూర్తి చేశారు. సెకండ్ ఫేజ్ క్లీనింగ్ అల్ రీమ్ ప్రొటెక్టరేట్ నుండి దోహా అల్ హసీన్ వరకు ప్రారంభమవుతుంది. 
బీచ్ క్లీనింగ్ మొదటి దశలో దాదాపు 125 టన్నుల వ్యర్థాలను తొలగించారు. ఇందులో టైర్లు, రెండు ఫైబర్‌గ్లాస్ వాటర్ ట్యాంకులు, ఏడు ఇనుప బారెల్స్, రెండు తాబేళ్లు, ఒక దుగోంగ్ (ఖతార్‌లో బాగా ప్రాచుర్యం పొందిన సముద్ర క్షీరదం) కళేబరాలతో సహా వివిధ జంతు కళేబరాలను సేకరించారు.