చలికాలంలో ఆరోగ్యానికి ఎంతో మేలు చేసే ఖర్జూరం

- January 20, 2022 , by Maagulf
చలికాలంలో ఆరోగ్యానికి ఎంతో మేలు చేసే ఖర్జూరం

చలికాలంలో శరీర ఉష్ణోగ్రతలు తగ్గుతుంటాయి. చలికాలంలో శరీరం వెచ్చగా ఉండటానికి ఖర్జూరం తీసుకోవటం ఎంతో మేలు. ఇది శరీరానికి వేడిని అందిస్తుంది. సహజ చక్కెర రూపంలో ఆహారంలో ఖర్జూరాన్ని భాగం చేసుకోవచ్చు. రుచితోపాటు, ఆరోగ్యానికి ఇది ఎంతో మేలు చేస్తుంది. ఖర్జూరంలో శరీరానికి కావాల్సిన విటమిన్లు, ఖనిజాలు, క్యాల్షియం, పొటాషియం, ఫాస్ఫరస్, రాగి, మెగ్నీషియం, వంటి పోషకాలు పుష్కలంగా అందుతాయి.

శరీరానికి కావాల్సిన శక్తి ఖర్జూరం తినటం ద్వారా సమకూరుతుంది. జబ్బుల బారిన పడకుండా రోగనిరోధక శక్తిని పెంపొందిస్తుంది. చలికాలంలో శరీరానికి కావాల్సినంత సూరరశ్మి తగలదు. దీని వల్ల విటమిన్ డి లోపిస్తుంది. ఈ కాలంలో ఖర్జూరం తినటం వల్ల ఎముకలు,దంతాలు ఆరోగ్యంగా ఉంటాయి. కీళ్ళనొప్పులతో బాదపడేవారికి నొప్పి నివారిణిగా ఖర్జూరం పనిచేస్తుంది.

చలికాలంలో ఎక్కువ వాతావరణంలో మార్పుల కారణంగా గుండె పోటు సమస్యలు అధికం వస్తుంటాయి. ఈ క్రమంలో శరీర ఉష్ణోగ్రతలు తగ్గకుండా వేడిగా ఉంచేందుకు ఖర్జూరం పని చేయటం వల్ల శరీరంలో చెడు కొలెస్ట్రాల్ తగ్గి గుండెపోటు, రక్తపోటు వంటి సమస్యలు దరి చేరకుండా చూడవచ్చు. ముఖ్యంగా చలికాలంలో నిసత్తువ, నీరసం వంటి సమస్యలు ఉత్పన్నమౌతుంటాయి. వీటిని పోగొట్టి శక్తిని సమకూర్చటంలో ఖర్జూరం బాగా దోహదపడుతుంది.

ఖర్జూరంలో ఐరన్ పుష్కలంగా లభించటం వల్ల రక్త హీనత సమస్యలు తొలగిపోతాయి. చలికాలంలో గర్భిణీలు ఖర్జూరం తీసుకోవటం వల్ల పిండం ఎదుగుదలకు ఉపకరిస్తుంది. ఖర్జూరంలో పీచు పదార్ధం ఉండటం వల్ల చలికాలంలో జీర్ణ ప్రక్రియలు వేగవంతం చేసేందుకు సహాయపడుతుంది. మలబద్ధకం సమస్యలు తొలగిపోతాయి. వ్యాయామాలు చేసేవారు ఖర్జూరాన్ని తీసుకోవటం వల్ల మంచి శక్తిని పొందవచ్చు. ఎక్కువ సేపు వ్యాయామాలు చేసేందుకు అవకాశం ఉంటుంది.

చలికాలంలో ముఖ్యంగా చాలా మంది చర్మ సౌందర్యం గురించి ఆలోచిస్తుంటారు. చలిగాలులకు చర్మం పొడిబారిపోవటం వంటివి సహజంగా కనిపిస్తుంటాయి. చర్మానికి అవసరమైన పోషకాలు అందించటంలో ఖర్జూరం ఉపయోగపడుతుంది. చర్మంలో దెబ్బతిన్న కణాలను మరమత్తు చేయటం తోపాటు తేమ శాతం తగ్గకుండా కాపాడుతాయి.

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com