మస్కట్: ముత్రహాలోని కేఫ్‌లు, రెస్టారెంట్‌లలో మస్కట్ మునిసిపాలిటీ దాడులు చేసింది. ఈ సందర్భంగా దాదాపు 136కిలోల అన్ ఫిట్ ఫుడ్(నిబంధనల ప్రకారం లేని) ను అధికారులు ధ్వంసం చేశారు. అలాగే ఫుడ్ తయారీకి అనుకూలంగా లేని 13 టూల్స్ ని సీజ్ చేసింది. తనిఖీల్లో భాగంగా తరచూగా ఫ్లోర్ క్లినింగ్, సరైన వెంటిలేషన్, ఫిజికల్ డిస్టెన్స్ (కనీసం రెండు మీటర్లు) పాటించడం,ప్రతి కార్మికుడు/ఉద్యోగికి తగిన వ్యక్తిగత రక్షణ పరికరాలను అందించడం వంటి చర్యలకు అందరూ కట్టుబడి ఉండాలని మున్సిపాలిటీ అధికారులు స్పష్టం చేశారు. COVID-19 మహమ్మారి నియంత్రణలో భాగంగా సుప్రీం కమిటీ చట్టాలు, నిర్ణయాలు లేదా సిఫార్సులకు అనుగుణంగా చట్టపరమైన నిబంధనలను కచ్చితంగా అమలు అయ్యేలా చూస్తామని మస్కట్ మునిసిపాలిటీ తెలిపింది. ప్రజారోగ్య పరిరక్షణకు అందరూ కలిసి రావాలని, సందేహాలుంటే టోల్ ఫ్రీ నంబర్ 1111కి కాల్ చేసిన నివృతి చేసుకోవాలని కోరింది.