ఒమన్‌కి చెందిన పబ్లిక్‌ అథారిటీ ఫర్‌ సివిల్‌ యావియేషన్‌, ఎయిర్‌ ట్రాఫిక్‌ ఛార్జీలు పెంచాలని నిర్ణయం తీసుకుంది. అంతర్జాతీయంగా ముడి చమురు ధరల పతనంతో దేశ ఆర్థిక వ్యవస్థపై తీవ్ర ప్రభావం పడ్డంతో, దాన్నుంచి బయటపడేందుకు ప్రభుత్వం తీసుకుంటున్న చర్యల్లో ఇది కూడా ఒకటని అధికారిక వర్గాలు వెల్లడించాయి. కొత్త ఏవియేషన్‌ టారిఫ్‌తో పిఎసిఏ రెవెన్యూస్‌ 25 శాతానికి పైగా పెరుగుతాయని అంచనా వేస్తున్నామని అథారిటీ చీఫ్‌ ఎగ్జిక్యూటివ్‌ మొహమ్మద్‌ అల్‌ జాబి చెప్పారు.