కువైట్: హెల్త్ రిక్వైర్మెంట్స్ కమిటీ ఇన్‌స్పెక్టర్స్ నిర్వహించిన తనిఖీల్లో పలు ఉల్లంఘనలు గుర్తించబడ్డాయి. షర్క్ ప్రాంతంలోని క్లాత్ స్టోర్లలో ఉల్లంఘనల్ని గుర్తించారు. ఈ తనిఖీల్లో 5 ఉల్లంఘనల్ని నమోదు చేశారు. అందులో ఒక కమర్షియల్ ఫ్రాడ్ కూడా వుంది. హెల్త్ రిక్వైర్మెంట్స్ విషయంలో 70 శాతం మేర సంతృప్తికరంగా నిబంధనలు అమలు అవుతున్నట్లు తేలింది. ఫేస్ మాస్కులు ధరించడం, చేతుల్ని పరిశుభ్రంగా వుంచుకోవడం, స్టోర్లలో వినియోగదారులు నిబంధనలు పాటించేలా చేయడం వంటివాటిపై తనిఖీలు నిర్వహిస్తున్నారు.