కువైట్: ఓ వ్యక్తి నిర్లక్ష్య డ్రైవింగ్ తో జహ్రాలోని రెస్టారెంట్ ముందు భాగం డామేజ్ అయింది. జహ్రా శివారు ప్రాంతంలో ఉన్న ఇండియన్ రెస్టారెంట్‌ కి ఒక ఆసియా వాసి వచ్చాడు. అయితే తన వాహనాన్ని డ్రైవర్ రెస్టారెంట్ ముందు ఆపే క్రమంలో రివర్స్ తీయాల్సిన చోట పొరబాటున ముందుకు పోనిచ్చాడు. దీంతో అది రెస్టారెంట్ ముందు భాగాన్ని ఢీకొట్టింది. ఈ ప్రమాదంలో రెస్టారెంట్ ముందు భాగం దెబ్బ తిన్నది. కాగా, ఈ ఘటనలో ఎలాంటి ప్రాణనష్టం జరగలేదు. ప్రమాదం కారణంగా జరిగిన నష్టాన్ని డ్రైవర్ స్పాన్సర్ భరిస్తానని చెప్పడంతో విషయం సద్దుమణిగింది.