యూఏఈ: యూఏఈలో అథారిటీస్, కోవిడ్ సేఫ్టీకి సంబంధించి తాజా రూల్స్ విడుదల చేయడం జరిగింది. బహిరంగ ప్రదేశాల్లో మాస్క్ ధరించడం ఆప్షనల్ చేశారు. అయితే ఇండోర్ ప్రాంతాల్లో మాస్క్ ధరించడం తప్పనిసరి. కోవిడ్ పాజిటివ్ కేసులతో క్లోజ్ కాంటాక్ట్‌లో వున్నవారికి సంబంధించి వెసులుబాట్లు కల్పించారు. ఇకపై వారికి క్వారంటైన్ అవసరం లేదు. అయితే, ఐదు రోజులపాటు ప్రతిరోజూ వారు పీసీఆర్ టెస్టింగ్ చేయించుకోవాల్సి వుంటుంది. పీసీఆర్ టెస్టింగ్ విషయమై ఆయా ఎమిరేట్స్ ప్రత్యేకంగా నిర్ణయాలు తీసుకోవచ్చు. అబుదాబీలో క్లోజ్ కాంటాక్టులకు క్వారంటైన్ అవసరం లేదు, ప్రతిరోజూ పీసీఆర్ టెస్ట్ ఐదు రోజులపాటు చేయించుకోవాలి. దుబాయ్ విషయానికొస్తే, లక్షణాలు లేని క్లోజ్ కాంటాక్ట్స్ క్వారంటైన్‌లో వుండాల్సిన అవసరం లేదు. పీసీఆర్ టెస్టులపై ప్రత్యేక నిర్ణయాలేమీ లేవు. కోవిడ్ పాజిటివ్ కేసుల విషయానికొస్తే, ఐసోలేషన్ ప్రోటోకాల్‌లో మార్పులు చేయలేదు. అయితే వారు చేతి బ్యాండ్స్ ధరించాల్సిన అవసరం లేదు. దుబాయ్‌లో ఐసోలేషన్ 10 రోజులు.