కువైట్: విధినిర్వహణలో ఉన్న పోలీసుపై దాడి చేసిన వారిపై చట్టపరమైన చర్యలు తీసుకుంటామని అంతర్గత వ్యవహారాల మంత్రిత్వ శాఖ చెప్పింది. ఇటీవలి కాలంలో పోలీసు అధికారులపై పదే పదే దాడులు జరిగిన సంఘటనలు నమోదవడంతో మంత్రిత్వ శాఖ స్పందించింది. పోలీసుల విధులకు అంతరాయం కలిగించే ఉద్దేశ్యంతో అతనిపై దాడి చేసినట్లయితే 5 సంవత్సరాల జైలు శిక్షతోపాటు 5,000 దీనార్లు ఫైన్ విధిస్తామని హెచ్చరించింది. మాటలతో దూషించడం లేదా అవమానించడం లాంటి చర్యలకు పాల్పడితే రెండు సంవత్సరాల పాటు జైలు శిక్ష, 3,000 దీనార్ల వరకు జరిమానా విధించే అవకాశం ఉందని గుర్తు చేసింది.  పబ్లిక్ ఆర్డర్‌ను పరిరక్షించడానికి సిటిజన్స్/రెసిడెంట్స్ కట్టుబడి ఉండాలని అంతర్గత మంత్రిత్వ శాఖ ఆదేశించింది.