అరేబియా సముద్రంలో ఏర్పడ్డ తుపాను యూఈఏ తీరం వైపు దాసుకొస్తోంది. బుధవారం మధ్యాహ్నం నుంచే అషూబా ప్రభావం యూఏఈలోని పలు చోట్ల స్పష్టంగా కన్పిస్తోంది.. ఒమాన్ తీరానికి 270 కిలోమీటర్ల దూరంలో సముద్రంలో కేంద్రీకృతమైన అషూబా, తీరంపై చూపించబోయే ప్రభావం గురించి భయాందోళనలు వ్యక్తమవుతున్నాయి. తుపాను కేంద్రం వద్ద వేగం గంటకు 80 నుంచి 90 కిలోమీటర్లుగా వాతావరణ శాఖ నిపుణులు అంచనా వేశారు. యూఏఈ తీర్పు ప్రాంతంలో దట్టంగా మేఘాలు ఆవరించి, కొన్ని చోట్ల వర్షాలు ప్రారంభమయ్యాయి. యూఏఈపై ప్రత్యక్షంగా ప్రభావం లేకపోయినా, అషూబా ధాటికి భారీ వర్షాలు కురవడం ద్వారా యూఏఈలో నష్టం వాటిల్లే అవకాశం ఉందంటున్నారు వాతావరణ నిపుణులు. మున్సిపాలిటీ శాఖ కార్మికుల్ని రంగంలోకి దించింది. ప్రజలకు ఎలాంటి అసౌకర్యం కలగకుండా తగు చర్యలు తీసుకుంటున్నట్లు అధికారులు వెల్లడించారు. సముద్రపు నీరు రోడ్లపైకి రావడాన్ని నియంత్రించేందుకూ తగిన చర్యలు తీసుకుంటున్నారు అధికారులు.

--నూనె లెనిన్ కుమార్(ఒమాన్)