రియాద్: 2022 హజ్ కోసం 1 మిలియన్ యాత్రీకులకు అనుమతులు ఇవ్వనున్నట్లు సౌదీ అరేబియా అథారిటీస్ పేర్కొన్నాయి. కోవిడ్ కారణంగా గతంలో యాత్రీకుల సంఖ్యను నియంత్రించిన విషయం విదితమే. కాగా, 65 ఏళ్ళ లోపు వయసున్నవారు కోవిడ్ 19 వ్యాక్సినేషన్ (సౌదీ అరేబియాలో ఆమోదం పొందిన వ్యాక్సిన్ల ద్వారా వ్యాక్సినేషన్) పొంది వుండాలి. యాత్రీకులంతా బయల్దేరడానికి 72 గంటల ముందు తీసుకున్న కోవిడ్ 19 నెగెటివ్ పీసీఆర్ టెస్ట్ తీసుకురావాలి. గత ఏడాది 58,745 మంది యాత్రీకులు హజ్ పూర్తి చేశారు. కోవిడ్ పాండమిక్ కంటే ముందు 2 మిలియన్లకు పైగా యాత్రీకులు హజ్ యాత్ర చేసేవారు.