కువైట్: డ్రైవింగ్ లైసెన్స్ లు, ఆయుధ లైసెన్సులు పొందేందుకు అర్హత లేని వ్యక్తుల డేటా(మానసిక సమస్యలతో బాధపడే రోగులు)ను ఆరోగ్య మంత్రిత్వ శాఖతో సమన్వయంతో అంతర్గత మంత్రిత్వ శాఖ తనిఖీ చేస్తోంది. కువైట్ సెంటర్ ఫర్ మెంటల్ హెల్త్ అండ్ అడిక్షన్ సెంటర్ డేటాను కనెక్ట్ చేయడానికి అధికారులు అంతర్గత మంత్రిత్వ శాఖ, ఆరోగ్య మంత్రిత్వ శాఖ మధ్య ఆటోమేటిక్ లింక్‌ను ఏర్పాటు చేశారు. మానసిక ఆరోగ్యం లేదా వ్యసనానికి సంబంధించిన రికార్డు ఉన్న ఏ వ్యక్తి అయినా డ్రైవింగ్ లైసెన్స్ లు, ఆయుధాల లైసెన్స్ లను పొందేందుకు అర్హత లేని వ్యక్తిగా గుర్తించి ఆ మేరకు చర్యలు తీసుకుంటారు.  అలాగే తీవ్రమైన మానసిక వ్యాధులు, వ్యసనపరులకు ఆయుధాల లైసెన్సులను మంజూరు చేయకుండా చూస్తారు. ప్రజల భద్రత, రోడ్లపై ప్రమాదాల సంఖ్యను తగ్గించే లక్ష్యంతో ఈ చర్యను చేపట్టారు. అధ్యయనంలో భాగంగా ఈ ప్రక్రియ కొనసాగుతుందని, ప్రభుత్వ ఆమోదం తర్వాత అమలు చేయబడుతుందని ఓ ఉన్నతాధికారి తెలిపారు.