సౌదీ: బ్యాంకు ఖాతాదారులను ఆర్థిక మోసాల నుండి రక్షించడానికి తాత్కాలిక ముందు జాగ్రత్త విధానాల నిబంధనలను నవీకరించినట్లు సౌదీ సెంట్రల్ బ్యాంక్ (SAMA)  ప్రకటించింది. గత కొన్ని రోజులుగా చేసిన అసెస్‌మెంట్‌లు, ఫాలో-అప్‌ల ఆధారంగా కొత్త విధానాలను తీసుకొచ్చినట్లు సెంట్రల్ బ్యాంక్ తెలిపింది. కొత్త నిబంధనలు ఏప్రిల్ 7, 2022 నుంచి అమల్లోకి వచ్చాయని బ్యాంకులకు తెలియజేసింది. కొత్త నిబంధనల ప్రకారం.. బ్యాంక్ క్లయింట్‌ల కోసం రోజువారీ బదిలీల కనీస పరిమితిని మునుపటి స్థాయికి పెంచారు. క్లయింట్ బ్యాంకులను సంప్రదించడం ద్వారా ఈ పరిమితిని తిరిగి తగ్గించుకునే అవకాశాన్ని కల్పించారు. అలాగే ఆన్‌లైన్‌లో బ్యాంక్ ఖాతాలను తెరవడానికి కూడా కొత్త నిబంధనలను తీసుకొచ్చారు.