నజ్మా స్ట్రీట్‌లోని గల్ఫ్‌ సినిమా మరియు మాల్‌ సిగ్నల్స్‌ మధ్యనున్న కిలోమీటర్‌ మేర రహదారిని మూసివేయడంతో వాహనదారులు, ప్రజలు తీవ్ర ఇబ్బందులు పడుతున్నారు. ఆ రోడ్‌లో నిత్యం ప్రయాణించేవారు, రోడ్‌ మూసివేతతో చాలా దూరం ప్రయాణిస్తే తప్ప గమ్యస్థానాన్ని చేరుకోలేని పరిస్థితి ఏర్పడింది. కిలోమీటర్‌ దూరాన్ని కేవలం ఐదు నిమిషాల్లో ఇదివరకు చేరుకుంటే, ఇప్పుడు రోడ్‌ మూసివేతతో, అవతలి వైపుకు వెళ్ళడానికి గంటకు పైగా సమయం పడ్తోందని నిత్యం ఆ రోడ్‌ని ఉపయోగించే ఓ వ్యక్తి తన ఇబ్బందిని తెలియజేశాడు. నజ్మా స్ట్రీట్‌ మూసివేతతో ఇతర రహదార్లపై ట్రాఫిక్‌ ప్రభావం చాలా తీవ్రంగా పడింది. అధికారులు తక్షణం ఈ సమస్యపై స్పందించాలని స్థానికులు కోరుతున్నారు.

--వి.రాజ్ కుమార్(ఖతార్)