బహ్రెయిన్ : మునిసిపల్ ఉద్యోగిని పనిలో ఉన్నప్పుడు దుర్భాషలాడిన వ్యక్తిని అరెస్ట్ చేశారు. తన ఆస్తిపై విధించిన ఉల్లంఘనల ఆర్డర్‌ను అమలు చేస్తున్న అధికారి విధులను అడ్డుకొని, అతని పరువు తీయడం, ఆ వీడియోలను సోషల్ మీడియా ప్లాట్‌ఫారమ్‌లలో షేర్ చేసిన ఒక వ్యక్తికి మూడు నెలల జైలు శిక్ష విధించారు. కాగా విచారణ సమయంలో సదరు నిందితుడు తనపై దాఖలైన అభియోగాలను తిరస్కరించాడు. మునిసిపాలిటీ వ్యవహారాల మంత్రిత్వ శాఖ, అర్బన్ ప్లానింగ్ ఉద్యోగులు వారెంట్ లేకుండా తన ఇంటిపై దాడి చేసి విధ్వంసం చేశారని పేర్కొంటూ వీడియో పోస్ట్ చేసిన విషయాన్ని అంగీకరించాడు. కేవలం తనకు ఉన్న హక్కను కాపాడుకునేందుకు మాత్రమే అలా చేసినట్లు కోర్టుకు తెలిపాడు. అనంతరం ప్రాసిక్యూషన్ కేసును దిగువ క్రిమినల్ కోర్ట్ కు రిఫర్ చేసింది.  అక్కడ కేసు పూర్వాపరాలను పరిశీలించిన కోర్టు నిందితుడికి మూడు నెలల జైలు శిక్ష విధించింది.