బహ్రెయిన్: బహ్రెయిన్‌లోని రియల్ ఎస్టేట్ లావాదేవీలలో బ్లాక్‌చెయిన్ టెక్నాలజీని ప్రవేశపెట్టనున్నారు. కొనుగోలుదారులు, అమ్మకందారులను సురక్షితంగా కనెక్ట్ చేయడానికి కొత్త టెక్నాలజీని ఉపయోగించనున్నారు. సాధారణంగా రియల్ ఎస్టేట్ లావాదేవీలు ఎక్కువగా ఆఫ్‌లైన్‌లో నిర్వహించబడతాయి. బ్లాక్ చెయిన్ టెక్నాలజీ ఇప్పుడు బహ్రెయిన్‌లో ఈ పద్ధతిలో మార్పులు తీసుకురానుంది.  రియల్ ఎస్టేట్ లావాదేవీలలో పారదర్శకతను తీసుకొచ్చేందుకు బ్లాక్‌చెయిన్‌ ను ప్రవేశపెట్టేందుకు బహ్రెయిన్ సిద్ధమైంది.  రియాల్టీ రంగంలో బ్లాక్‌చెయిన్ గణనీయమైన మార్పులు తెస్తుందని బహ్రెయిన్ భావిస్తోంది. దీంతో కింగ్‌డమ్ ఒక ప్రముఖ బ్లాక్‌చెయిన్ ఇన్నోవేటర్‌గా నిలుస్తుందని ప్రభుత్వ వర్గాలు పేర్కొన్నాయి.