కువైట్: ఫర్వానియా మునిసిపాలిటీ బృందం 330కి పైగా నవాహనాల్ని అలాగే భారీ సామాగ్రిని పబ్లిక్ ప్రాంతాలు మరియు స్కూల్ పార్కింగ్ లాట్ల నుంచి తొలగించడం జరిగింది. అండాలుస్, జిలీబ్ అల్ షుయోక్, ఖైతాన్, ఫర్వానియా, ఇసబిల్లియా ప్రాంతాల్లో క్యాంపెయిన్ నిర్వహించారు అధికారులు. రోడ్లపై అడ్డగోలుగా వదిలేసిన వాహనాలతో సమస్యలు ఎదురవుతున్న నేపథ్యంలో ఈ చర్యలు తీసుకున్నారు. సీజ్ చేసిన వాహనాల్ని మునిసిపాలిటీ కార్ రిజర్వేషన్ ప్రాంతానికి తరలించారు. కార్లు అలాగే, భారీ పరికరాల యజమానులు చట్టపరమైన నిబంధనలకు లోబడి వ్యవహరించాలని అధికారులు స్పస్టం చేశారు.