అబుదాబి: బహ్రెయిన్‌కు నేరుగా అబుదాబి ఎయిర్ అరేబియా విమానాలను నడుపనుంది. మే 15, 2022 నుండి అబుదాబి నుంచి బహ్రెయిన్ రాజధాని మనామాకు వారంలో ముడు విమాన సర్వీసులు ప్రారంభం కానున్నాయి. దీనితో అబుదాబి ప్రయాణికులు ఇప్పుడు నేరుగా బహ్రెయిన్ అంతర్జాతీయ విమానాశ్రయానికి వెళ్లగలుగుతారు. జూలై 2020లో అబుదాబి ఇంటర్నేషనల్ ఎయిర్‌పోర్ట్ నుండి అబుదాబి ఎయిర్ అరేబియా సర్వీసులు ప్రారంభించినప్పటి నుండి ఇది 22వ కొత్త మార్గం కావడం విశేషం. ప్రయాణించాలనుకునే కస్టమర్‌లు ఇప్పుడు క్యారియర్ వెబ్‌సైట్‌లో లేదా కాల్ సెంటర్ ద్వారా, ట్రావెల్ ఏజెన్సీల ద్వారా డైరెక్ట్ విమాన సర్వీసులను బుక్ చేసుకోవచ్చని అబుదాబి ఎయిర్ అరేబియా వెల్లడించింది.