మస్కట్: షవ్వాల్ నెల నెలవంక దర్శనంపై నిర్థారణ చేసే ప్రధాన కమిటీ రమదాన్ 29కి సంబంధించి ఆదివారం సాయంత్రం సమావేశం కానుంది. అవ్కాఫ్, మతపరమైన వ్యవహారాల మంత్రిత్వ శాఖ నెల నెలవంక దర్శనంపై దర్యాప్తు చేయనుంది. పౌరులు, నివాసితులు ఈద్ చంద్రుని దర్శనంలో పాల్గొనాలని పిలుపునిచ్చారు. ఆదివారం చంద్రుడు కనిపిస్తే సోమవారం ఒమన్ సుల్తానేట్‌లో ఈద్ అల్ ఫితర్ మొదటి రోజు అవుతుంది. సుల్తాన్ హైతం బిన్ తారిక్ ఆదేశానుసారం కార్మిక మంత్రిత్వ శాఖ మే 1 ఆదివారం నుండి మే 5 గురువారం వరకు ప్రభుత్వ, ప్రైవేట్ రంగాలకు ఈద్ అల్ ఫితర్ సెలవులను ప్రకటించింది.