యూఏఈ: పౌరులు తమ ఎమిరేట్స్ ఐడీ కార్డులను ఉపయోగించి జీసీసీ దేశాలకు ప్రయాణించవచ్చని యూఏఈ తెలిపింది. జీసీసీ రాష్ట్రాలకు ప్రయాణించేటప్పుడు వారు ఇకపై తమ పాస్‌పోర్ట్ లను తీసుకెళ్లాల్సిన అవసరం లేదని స్పష్టం చేసింది. నేషనల్ అథారిటీ ఫర్ ఎమర్జెన్సీ, క్రైసిస్ అండ్ డిజాస్టర్ మేనేజ్‌మెంట్, ఫెడరల్ అథారిటీ ఫర్ ఐడెంటిటీ, సిటిజన్‌షిప్, కస్టమ్స్- పోర్ట్ సెక్యూరిటీ, యూఏఈ పౌరులు జీసీసీ దేశాలలో ప్రయాణానికి తమ జాతీయ ఐడి కార్డులను ఉపయోగించవచ్చని యూఏఈ ఉత్తర్వులు జారీ చేసింది. జీసీసీ పౌరులు తమ రాష్ట్రం జారీ చేసిన స్మార్ట్ ఐడీ కార్డులను ఉపయోగించి యూఏఈలోకి ప్రవేశించడానికి కూడా అనుమతించబడతారని ఉత్తర్వుల్లో పేర్కొన్నారు.