యూఏఈ: ట్రాఫిక్ జరిమానాలను ముందస్తుగా చెల్లించాలని అబుదాబి పోలీసులు వాహనదారులను కోరారు. ఉల్లంఘన జరిగిన 60 రోజులలోపు జరిమానా చెల్లించినట్లయితే వారికి 35 శాతం తగ్గింపును ఇవ్వనున్నట్లు తెలిపారు. అలాగే స్వాధీనం చేసుకున్న వాహనాలపై విధించే రుసుములు, ఆలస్య జరిమానా చెల్లింపులకు (ఏదైనా ఉంటే) కూడా తగ్గింపులు వర్తిస్తాయని పేర్కొన్నారు. వాహనదారులు ట్రాఫిక్ జరిమానాలను www.adpolice.gov.ae ద్వారా లేదా AD పోలీస్ యాప్ ద్వారా చెల్లించవచ్చు.  అబుదాబి కమర్షియల్ బ్యాంక్ (ADCB), అబుదాబి ఇస్లామిక్ బ్యాంక్ (ADIB), ఫస్ట్ అబుదాబి బ్యాంక్ (FAB), మష్రెక్ అల్ ఇస్లామి, ఎమిరేట్స్ ఇస్లామిక్ బ్యాంకుల ద్వారా ట్రాఫిక్ జరిమానాలను ఈఎంఐ రూపంలో చెల్లించవచ్చు.