సౌదీ: సౌదీ అరేబియాలో తన సేవలను ప్రారంభించినట్లు సౌదీ క్లౌడ్ కంప్యూటింగ్ కంపెనీ (SCCC)  ప్రకటించింది. అలీబాబా క్లౌడ్ కార్యకలాపాలకు ప్రాంతీయ కేంద్రంగా రియాద్‌ను ఎంచుకున్నట్లు తెలిపింది. రియాద్‌లో జరిగిన కార్యక్రమంలో పలువురు ప్రభుత్వ, ప్రైవేటు రంగాల అధికారుల సమక్షంలో ఈ మేరకు వెల్లడించారు. సౌదీ అరేబియాలోని రెండు డేటా సెంటర్లతో కింగ్‌డమ్‌లోని కస్టమర్‌లకు అధిక భద్రత, స్థిరత్వంతో క్లౌడ్ సామర్థ్యాలను అందివ్వనున్నట్లు పేర్కొంది.  కొత్త డేటా సెంటర్లు రిటైల్, ఫిన్‌టెక్, ఇంటర్నెట్ వంటి పరిశ్రమల నుండి పెరుగుతున్న వ్యాపార డిమాండ్‌ను తీర్చడానికి కంప్యూట్, స్టోరేజ్, నెట్‌వర్క్ నుండి డేటాబేస్ వరకు విస్తృతమైన, సురక్షితమైన పబ్లిక్ క్లౌడ్ కంప్యూటింగ్ పరిష్కారాలను అందిస్తాయని ఎస్సీసీసీ ప్రకటించింది.